Is-sharaǵa QR Aqparat jáne kommýnıkasııa mınıstri Dáýren Abaev, «Kazmedıa ortalyǵynyń» bas dırektory Lázzat Júnisova, Azııa-Tynyqmuhıttyq habar taratý odaǵynyń bas hatshysy Djavad Mottagı qatysty.
Elordanyń 20 jyldyq mereıtoıy kúnine oraı 2018 jylǵy 10-12 shildede Astana qalasynda «Azııa medıa dıalogy» jalpy lozýngynyń aıasynda birqatar aýqymdy is-sharalar ótedi. Olardyń sheńberinde semınarlar, konferensııalar, sonymen qatar Azııa radıosynyń án festıvali ótkiziledi. Is-sharalardyń uıymdastyrýshylary – Qazaqstan Respýblıkasy Aqparat jáne kommýnıkasııalar mınıstrligi, Azııa jáne Tynyq muhıt habar taratý odaǵy (ATMHTO), «Qazmedıa ortalyǵy» basqarýshy kompanııasy. Birigip uıymdastyrýshy - «Astana Konvenshn Bıýro».
Medıa salasyndaǵy basshylar úshin semınarlar kún tártibine joqtan radıo formatyn jasaýǵa, aýdıtorııany jáne ony zertteý quraldaryn baǵalaýǵa, Eýropa men Azııanyń medıa naryqtarynyń ınteraktıvti úlgilerin jáne ozyq tájirıbelerin kórsetý arqyly kontentti ártúrli aýdıtorııaǵa taratatyn kópplatformaly jáne birplatformaly baǵdarlamalardy qoldanýǵa qatysty máseleler kóteriledi. Budan basqa, alǵash ret Qazaqstanda eń iri salalyq konferensııalar ótkiziletin bolady, olardyń bireýi Azııa radıosynyń máselelerine arnalǵan. Azııa men Eýropa medıasyna ortaq máselelerdi talqylaý maqsatynda túıindeýshi oqıǵa «Media-2020» konferensııasy bolady. Aýstralııa, Belgııa, Germanııa, Japonııa, Qytaı jáne Eýropa men Azııanyń basqa elderiniń jeke ári ulttyq tele- jáne radıokompanııalarynyń jetekshi ókilderi moderator bolady.
Azııa-Tynyq muhıt óńiri elderiniń jyl saıynǵy án saıysy bolyp tabylatyn, «Eýrovıdenıe» saıysy sekildi ABU Radio Song Festival án festıvali ATMHTO-nyń elorda turǵyndaryna Astana mereıtoıyn toılaý qurmetine oraı erekshe syılyǵy bolady. Bıyl Qazaqstan Ortalyq Azııada osy festıvaldi qabyldaıtyn birinshi el. Festıvalǵa Túrkııa, Nepal. Maldıvter, Qazaqstan jáne t.b. elder ókilderi qatysady. Is-shara Qazmedıa ortalyǵynyń kınokonserttik zalynda uıymdastyrylady. Festıvaldi qaraýǵa erkin kirýge bolady.
2017 jyly qyrkúıekte Qytaıda ótken ATMHTO Bas Assambleıasynyń qatysýshylaryna óz úndeýinde Aqparat jáne kommýnıkasııalar mınıstri Dáýren Abaev aıtqandaı, Qazaqstan barlyq álemniń kórnekti medıa ókilderin jınap, ózin Eýropa men Azııa arasyndaǵy mańyzdy kommýnıkasııalyq torap retinde kórsetedi. Is-sharanyń asa mańyzdy qonaqtary bedeldi medıalyq úkimettik emes mekemelerdiń basshylary bolady, olardyń ishinde ATMHTO jáne COPEAM (Jerorta teńizi habar taratýshylarynyń qaýymdastyǵy) bas hatshylary, álemde tyńdaýshylar aýdıtorııasy eń úlken radıo – Úndistan radıosyn qosa alǵanda, Azııa men Eýropanyń teleradıo habar taratatyn kompanııalary. Osylaısha, ATMHTO jelisindegi is-sharalar Qazaqstandaǵy oqıǵalyq týrızmdi damytýǵa baǵyttalǵan asa mańyzdy ımıdjdik joba bolady.
ATMHTO 3 mıllıardtaı adam aýdıtorııasyn qamtıtyn álemniń eń iri jáne tyǵyz ornalasqan óńiri – Azııa men Okeanııanyń 69 eliniń 292 habar taratý uıymdaryn biriktiretin kommersııalyq emes kásibı qaýymdastyq bolyp tabylady. Habar taratýshylardyń óńirlik jáne halyqaralyq dostastyǵyn nyǵaıtýǵa jáne olardyń qyzyǵýshylyqtaryn ilgeriletýge sebeptesetin mundaı bedeldi uıymmen yntymaqtastyq jasaý Qazaqstannyń otandyq óniminiń sapasyn joǵarylatýǵa jáne baǵdarlama jasaý men jańalyq almasý boıynsha álemdik tájirıbeni úırenýge jol ashady
